Ромеро без милост кон управата на Тотенхем: Се појавуваат само кога оди добро

Тотенхем има уште една разочарувачка сезона и моментално се наоѓа на 14. место во Премиер лигата.

Навивачите бараат смена на Томас Франк, а на својот Инстаграм профил реагираше и капитенот Кристијан Ромеро.

Тој директно ја прозва управата на клубот.

„Се извинувам на сите навивачи кои нè следат насекаде, кои секогаш се тука и ќе бидат тука. Ние сме одговорни, нема сомнение во тоа. Но, ќе продолжиме да се бориме и да се обидуваме да ја промениме ситуацијата, за себе и за клубот. Во вакви времиња, треба и други луѓе да излезат и да зборуваат, но тие тоа не го прават, како што е случајот веќе неколку години. Се појавуваат само кога работите одат добро“, напиша Ромеро.