Солскјер се појави во регионот и веќе имал разговор со Манчестер Јунајтед

Од Манчестер Јунајтед веќе се поврзале со Оле Гунар Солскјер во врска со можноста тој да го преземе тимот по отпуштањето на Рубен Аморим, известува новинарот Флоријан Плетенберг од “Скај”. “Црвените ѓаволи” разговарале и со Мајкл Карик, кој е друга опција за управата.

Денес Оле беше снимен насмеан во областa на Чешир во близина на Манчестер, што понатаму ги засили шпекулациите дека тој може повторно да го преземе тимот од “Олд Трафорд”. Во случајов, раководството бара привремен менаџер со краткорочен договор – на пример, само до крајот на сезоната.

52-годишниот Норвежанец е без работа, откако беше отпуштен од Бешикташ на почетокот на оваа сезона, бидејќи не успеа да го квалификува тимот во групната фаза на Конференциската лига.

За време на своето време во Јунајтед како менаџер, Солскјер го однесе клубот до трето, а потоа второ место во Премиер лигата во 2019/20 и 2020/21, до финалето на Лига Европа во 2021 г. (загубено од Виљареал), но беше отпуштен во ноември истата година, кога тимот беше на 7-мо место во првенството.

Мајкл Карик пак играше во клубот 12 години и интересно е дека беше привремен тренер на Јунајтед по отпуштањето на Солскјер. Тој е без работа од минатото лето, по две сезони и пол како шеф на Мидлсбро.