Перез изненади со понуда каква што не се памети: „Даваме пет играчи за еден“

Реал Мадрид наводно активно се вклучи во трката за еден од најбараните дефанзивци во Европа, па е подготвен да понуди и до пет фудбалери.

Според извештаите од шпанските медиуми, претседателот на славниот мадридски клуб, Флорентино Перез, размислува за драстичен потег за да го обезбеди потписот на 26-годишниот германски стопер за наредната сезона.

Наместо класичен трансфер за голема сума, Реал може да понуди пакет од дури пет играчи во замена, за да го намали износот на трансферот и да ја привлече Борусија Дортмунд на договор.

Овој необичен предлог доаѓа во услови на потреба на Реал да ја засили централната одбрана пред продолжение на сезоната, со оглед на тоа што сегашните одбранбени имиња се сѐ помалку стабилни поради договорите и повредите.

Нико Шлотербек важи за еден од најдобрите дефанзивци во Бундеслигата и е постојан репрезент на Германија, со искуство во Лигата на шампиони и големи натпреварувања. Борусија Дортмунд го гледа како клучно име во ростерот, а преговорите за продолжување на соработката се активни уште од минатата година, иако сѐ уште не е постигнат договор.