Трансфер-бомба од Англија: Дали Арсенал ќе ја ангажира ѕвездата на Баерн?

Проблемите со повреди повторно го мачат Арсенал, па не е чудно што менаџерот Микел Артета планира да биде активен во зимскиот трансфер прозорец. Топчиите се во потрага по засилувања, а неочекувана можност може да се појави во форма на играчот од среден ред на Баерн, Леон Горецка (30).

Шпанскиот стручњак потврди дека клубот активно бара нови играчи за да се справи со бројните отсутности кои го намалија тимот, до таа мера што и Деклан Рајс мораше да игра на десната бек позиција против Брајтон.

“Работата е во тоа што имавме многу повеќе повреди отколку што очекувавме, а некои од нив не можеа да се избегнат. Сакаме да бидеме подобри и знаеме колку ќе биде значајна улогата на достапноста на играчите за време на сезоната. Трансфер прозорецот е тука, ние сме Арсенал и мора да гледаме што ни треба. Мораме активно да бараме и потоа да видиме дали можеме да го оствариме тоа или не. Тоа е друга приказна, но нашата работа е секогаш да бидеме подготвени за нешто што може да се случи”, изјави Артета.

Една од критичните позиции е средниот ред, а решението би можело да дојде од Минхен. Според англискиот портал Team Talk, претставниците на Леон Горецка му ги понудија услугите на германскиот репрезентативец на Арсенал. Интересно е што Горецка го застапува истата агенција како Кај Хаверц, што може да ги олесни преговорите.

“Претставниците на Горецка веќе стапија во контакт со Арсенал. Заминување во јануари е можност доколку добијат силна понуда”, наведуваат странските медиуми. Германскиот играч од средината моментално според Tрансфермаркт има вредност од 15 милиони евра.