Антонио Ридигер, централниот дефанзивец кој за два месеци ќе наполни 33 години, би можел да ја следи судбината на други дефанзивци на Реал Мадрид, како Серхио Рамос, Лукас Васкез и Начо.
Зошто проблемот со улични кучиња СÈ УШТЕ постои? | Уште еден поткаст
Со договор важечки до 30 јуни 2026 година, германецот не бил поканет на разговори за продолжување, и не е исклучено да го напушти “Сантиаго Бернабеу” во летниот период. Ова веќе го привлече вниманието на големите клубови од Европа, а прв на ред се најде италијанскиот гигант Јувентус.
Во неговата четврта сезона во Реал Мадрид, Антонио Ридигер има освоено осум трофеи со белиот дрес, вклучувајќи титула во Ла Лига и Лига на шампиони (има уште еден трофеј со Челси). Репрезентативецот со 81 натпревар и 3 гола за Германија на 1 јануари влегува во последните 6 месеци од договорот, потпишан во летото на 2022 година, кога без пари се пресели од Челси.
Шпанските медиуми пишуваат дека германскиот дефанзивец, кој на 3 март ќе наврши 33 години, сè уште не бил поканет на преговори од претседателот Флорентино Перес за продолжување на договорот, слично е и со Дани Карвахал, кој на 11 јануари навршува 34 години.
Учество во игри на среќа е дозволено за лица со 18+ години. Играј одговорно!