Конте има нов имиџ: Не знам дали изгледам добро, ми предложи сопругата

Менаџерот на Челзи, Антонио Конте денес беше интересен за новинарите во Лондон поради својот нов имиџ.

Конте на конференцијата пред натпреварот против Вест Хем се појави во нешто поинакво издание, поточно пред камерите седна со бради „од три дена“, која свесно ја пуштил.

Фудбалската јавност е навикната да го гледа Конте секогаш без брада поради тоа на новинарите им беше чудно, па го запрашаа Италијанецот за новиот имиџ.

„Не знам дали изгледа добро, но мојата сопруга ми предложи да се обидам. Ова е прв пат да пуштам брада, ќе видиме дали утре ќе ни донесе среќа, но повторувам, ова е прв пат да го променам својот изгледа. Се надевам дека до крајот на годината ќе имам долга и густа брада“, изјави Италијанецот.