За Клоп подобар нема: „Многу големи играчи сум тренирал, но тој…“

Германскиот експерт се смета за тренер кој не само што создава системи, туку и играчи. Под негово водство блескале Мохамед Салах, Садио Мане, Марко Ројс, Марио Геце, Илкај Гундоган, Матс Хумелс, Вирџил ван Дајк, Трент Александер-Арнолд и многу други. Многу од нив пристигнаа како таленти или „добри играчи“, а заминуваа како глобални ѕвезди.

Клоп остави посебен впечаток во Борусија Дортмунд, каде од млада и неискусна екипа направи европска сила. Во тој период и Роберт Левандовски се развиваше, тогаш уште релативно непознат напаѓач од Полска, кој дојде во Германија без големо име, но со огромен потенцијал.

Токму Клоп беше тој кој препозна дека Левандовски не е само класичен голгетер. Во неговиот систем, Полјакот научи да игра со грбот свртен кон голот, да учествува во пресингот, да отвора простор за соиграчите и да биде комплетен напаѓач. Тој развој беше основа за сè што подоцна следеше во Баерн и Барселона.

„Не би било фер да го кажам тоа за никој друг освен за Леви. Она што го направи од својот потенцијал и како сам се туркаше да стане играч каков што е денес – тоа е извонредно. Ако сите фудбалери се развиваа како него, светот на фудбалот би бил целосно луд“, рече Клоп.