Новак Ѓоковиќ, еден од најдобрите светски тенисери е посветен на подготовките за новата натпреварувачка сезона, во која ќе го прослави својот 39-ти роденден.
Изминатава година беше многу успешна за овој српски тенисер, иако не успеа да освои гренд слем титула.
До кога ќе дишеме отровен воздух!? | Уште еден поткаст
Во ноември, во Атина, го освои својот 101-ви трофеј во професионалната кариера, стигна до полуфинале на сите четири гренд слем турнири, а се закити и со титула на турнирот во Женева.
Пред него сега стојат нови предизвици, а првите се турнирот во Аделаида (серии 250) и Австралијан опен, кои традиционално се играат во јануари.
Новак во средата објави видео од неговите тренинзи, откривајќи дека се наоѓа во Атина, каде моментално живее и се подготвува за новата сезона и освојување на нови трофеи.
Интересно е тоа што Ѓоковиќ вежба на отворено во шорцеви и маица, бидејќи во Атина овие денови температурата се движи од 15 до 20 степени, што е прилично топло за овој дел од годината.
Српскиот тенисер сподели неколку сцени од своите тренинзи, збогатени со идилични пејзажи, а многумина ги изнасмеа описот што го остави.
Наместо „Merry Christmas“, тој напиша „Merry fitness“, што во буквален превод значи „Весел фитнес“, но намерата беше сосема јасна.
Многумина реагираа и му одговорија на Новак во коментарите, а меѓу најзабележителните реакции беше онаа на легендарната скијачка Линдзи Вон, која му возврати на честитките.
Учество во игри на среќа е дозволено за лица со 18+ години. Играј одговорно!