Ливерпул најде решение? Пристигнува Германец

Фудбалскиот клуб Ливерпул мора да се засили во нападот, а бидејќи Антоан Семењо е блиску до Манчестер Сити, Црвените се свртеа кон – Карим Адејеми!

Некои извори пишуваат дека Адејеми е поевтина опција за Црвените и со оглед на цената од само 25.000.000 евра е многу добра на зимскиот пазар во моментот.

Адејеми неодамна влезе во конфликт со Борусија Дортмунд, а германските медиуми откриваат дека позадината на сето ова е желбата на неговата девојка да се преселат во друга земја.

Адејеми исто така има амбиции да игра во Премиер лигата, а Ливерпул е дефинитивно вистинскиот предизвик за германскиот репрезентативец.

Тој има 23 години и договор до летото 2027. година, па Борусија размислува да го продаде пред да влезе во последната сезона.

Тој дојде во Борусија Дортмунд летото 2022. година од РБ Салцбург за 30.000.000 евра, и досега одигра 129 натпревари, со 32 голови и 22 асистенции.

Во Ливерпул е неговиот соиграч од репрезентацијата Флориан Вирц, кој летото пристигна од Бајер Леверкузен.