Ливерпул ќе излезе на пазарот – Опцијата е една

И покрај потрошените 450.000.000 евра во текот на летото, Ливерпул, изгледа, ќе мора дополнително да се засили во зимскиот преоден рок.

Тоа не би било случај ако не се повредеше Александар Исак, кој ќе мора да отсуствува неколку месеци од теренот. Меѓутоа, без него, и со повредениот Коди Гакпо кој е вон форма и со отсутниот Мохамед Салах поради Африканскиот куп на нации, Арне Слот има проблеми во нападот.

Ливерпул нема да биде премногу активен, објавуваат британските медиуми, но ќе се обиде да ја засили крилната позиција. Логично, на прво место се појавува Антоан Семењо, кој може да игра на двете страни од теренот и тоа би било “двојна добивка” за “црвените”. Тој нема да чини помалку од 70.000.000 евра. Тоа е проблем.

Очигледно е дека Семењо ќе го напушти Борнмут во зима. Веќе долго време се најавува преку различни канали, а Манчестер Јунајтед и Манчестер Сити се појавија како заинтересирани клубови.