58-годишниот Кизујоши Миура започнува 41. сезона во професионалниот фудбал

Напаѓачот Кизујоши Миура ќе потпише договор со Фукушима Јунајтед, кој игра во јапонската трета лига, пренесе “Japan Today”.

Претстојната сезона ќе биде 41-та за ветеранот во професионалниот фудбал. Миура е најстариот активен фудбалер во светот.

Кариерата на напаѓачот започна во 1986 година. Играл за Сантос (Бразил), Џенова (Италија), Сидни (Австралија), Динамо Загреб (Хрватска) и јапонските клубови Висел Кобе, Верди Кавазаки, Јокохама Маринос и други.