Дончиќ одигра неверојатен натпревар, Јокиќ беше на чекор од нов трипл-дабл (Видео)

Словенецот Лука Дончиќ одигра фантастичен натпревар во победата на Лос Анџелес Лејкерс над Филаделфија со резултат 112:108.

Најимпресивниот играч на екипата од Лос Анџелес беше со трипл-дабл учинок, постигнувајќи 31 поен со 15 скокови и 11 асистенции. Го следеше Леброн Џејмс со 29 поени, седум скокови и шест асистенции. Хачимура придонесе со 17 поени и шест скокови, Ајтон постигна 14 поени со 12 скокови и две асистенции, додека и Ривс се издвојуваше со 11 поени, и по четири скокови и асистенции.

Кај 76ерс најефикасен беше Мекси со 28 поени, девет асистенции и седум скокови, а Ембид додаде 16 поени со седум скокови и две асистенции. Еџкомб го заврши натпреварот со 15 поени, пет скокови и три асистенции, додека Џорџ постигна 12 поени, шест скокови и три асистенции, а Драмонд заврши двоцифрен со 11 поени и 12 скокови.

Денвер славеше на гостински терен во натпреварот против Шарлот со резултат 115:106, а до победата ги предводеше Мари со 34 поени, пет асистенции и три скокови.

Никола Јокиќ постигна 28 поени со 11 асистенции и девет скокови, а Хардауе придонесе со 14 поени и две асистенции. Во редовите на Денвер, Вотсон заврши со десет поени и осум скокови.

На спротивната страна, Бриџис забележа 24 поени со девет скокови и осум асистенции, додека Милер придонесе со 17 поени и по пет скокови и асистенции. Симпсон го заврши натпреварот со 16 поени и пет скокови, а Кнеупел добави 14 поени со по четири скокови и асистенции. Макнили додаде 13 поени, четири скокови и две асистенции.

Од останатите резултати, Њујорк го победи Орландо со 106:100, а најдобриот играч на Магик, Франц Вагнер, доживеа сериозна повреда на левата нога и се очекува подолг период на опоравување согласно првичните проценки.

Franz Wagner injury. Prayers up pic.twitter.com/SI8Az605BJ

— New York Basketball (@NBA_NewYork) December 7, 2025