Турција утринава беше потресена од голем скандал во фудбалот. Во неколку градови се спроведуваат апсења поврзани со обвинувања за наместени натпревари и обложување.
Меѓу приведените се истакнати фудбалери на Фенербахче и Галатасарај, Мерт Хакан Јандаш и Метехан Балтачи, како и судијата Зорбај Кучук, поради сомнителни финансиски трансакции на банкарски сметки. Според извори, Балтачи се обложувал на натпревари на неговиот тим, додека Јандаш користел легални платформи за обложување преку посредници.
Како екраните влијаат на детскиот развој? Разговор со дефектолог
Освен фудбалери и судии, приведени се и поранешниот претседател на Адана, како и раководители на Анкарасожор и нивните тренери, поради обиди за влијание врз исходот на неколку натпревари во изминативе години.
До утринава, најмалку 35 лица, вклучувајќи фудбалери, менаџери, тренери и поранешни функционери, се приведени, а претресите и одземањата на имот и натаму продолжуваат.
Целиот случај предизвика шок во турската фудбалска јавност, додека властите најавуваат понатамошна истрага за да се расчистат размерите на скандалот што ја потресе Суперлигата.
Учество во игри на среќа е дозволено за лица со 18+ години. Играј одговорно!