Артета: Ова станува неиздржливо, фудбалерите не се машини

Во победата на Арсенал со 2:0 против Брентфорд се повредија Деклан Рајс и Кристијан Москера, а тренерот Микел Артета уште еднаш потенцираше колку се големи барањата кои се ставаат пред елитните фудбалери, нагласувајќи дека „не се машини”. Арсенал од почетокот на сезоната на 17 август одиграл веќе 21 натпревар, додека многу репрезентативци додале уште шест настапи за своите земји.

Тоа излегува дека еден натпревар се игра на секои четири дена, а распоредот дополнително е задушен – Арсенал во последните 11 дена одигра дури четири натпревари. Артета признава дека повредите не доаѓаат само поради згуснатиот календар, но смета дека распоредот би требало да се планира поразумно, особено за клубовите кои играат во Европа.

„Веројатно не е работа на една причина”, рече Артета кога го прашаа дали темпото придонесе за новите повреди.

„Но, можеме да им помогнеме на играчите и на сите во лигата така што, каде што е можно, да им дадеме уште еден ден одмор. Ова особено важи за екипите кои многу играат во Европа. Ако го направиме тоа, сите ќе имаме корист. Досега никогаш немавме ваков распоред, не само во Премиер лигата, туку и во сите меѓународни натпреварувања. Треба да се обидеме да го промениме тоа – тоа не е расправа, туку здрав разум. Затоа што ако продолжи вака, ќе стане навистина премногу, а играчите не се машини.”