Кантона: Никогаш нема да разберам зошто Нејмар замина

Легендарниот Ерик Кантона не може да сфати зошто Нејмар направил трансфер во ПСЖ.

Бразилецот во најголемиот трансфер во историјата од Барселона премина во редовите на ПСЖ, а Кантона тврди дека за него тоа е нејасен потег со оглед на тоа дека го смета Нејмар за еден од најдобрите во историјата.

„Има 25 години и играше во Барселона. Што бара во Лига 1? Дојде да игра против Амиенс или Гуингамп. Во Лигата на шампионите максимално има 10 натпревари во сезоната. Не разбирам зошто дојде во Франција, според мене тој е нелогичен потег“, истакна Французинот.

Нејмар оваа сезона на 12 натпревари за ПСЖ постигна 11 погодоци и запиша девет асистенции.