Tрагедија се случи во Германија на натпреварот на Лајпциг

Трагедија се случи на натпреварот меѓу РБ Лајпциг и Магдебург во германскиот Куп.

РБ Лајпциг успеа да обезбеди пласман во четвртфиналето на ДФБ Купот со победа против Магдебург (3:1), но натпреварот беше засенет од трагичен настан.

Непосредно пред почетокот на натпреварот, навивач на Магдебург падна во несвест околу стадионот. Брзата помош реагираше веднаш и се обиде да го оживее на место, но и покрај сите напори, пристигна тaжната вест. Постар човек почина во болница.

Во текот на второто полувреме, тужната вест беше објавена и преку звучникот, но навивачите на Магдебург продолжија да ја бодрат својата екипа, па дури и фрлаа пиротехника, што предизвика негодување меѓу домашните фанови, кои целосно престанаа со скандирање, пренесува Bild.

“Сите се радувавме на убава куп вечер под рефлекторите. Сега таа е засенета од тужната вест. За жал, мора да ве известиме дека навивачот на Магдебург, кој пред натпреварот беше реанимиран, почина во болница.