На Алонсо му објаснија што се случува во Барселона, а тој со џентлменска изјава ја воодушеви Шпанија

Џаби Алонсо одржа денеска прес-конференција пред утрешниот натпревар во Ла Лига каде што Реал Мадрид ќе оди на тешко гостување во Билбао кај Атлетик.

Атлетик и Реал играат утре натпревар во 19-то коло на шпанската Ла Лига, а Џаби Алонсо не се чувствуваше многу пријатно на денешната прес-конференција со оглед на тоа дека Кралевите не играат игри какви што се очекуваат.

Иако Реал до пред еден месец имаше пет бодови предност во однос на Барселона, по неколку неуспеси тие паднаа на второто место на табелата и сега заостануваат бод зад својот жесток ривал.

Сепак, на прес-конференцијата на тренерот на кралскиот клуб се случи и интересна работа поврзана со еден играч на Барселона.

Во прашање е Роналд Араухо кој е во центар на вниманието последниве денови откако не се појавува на тренинзите, и наводно побарал поштеда бидејќи не е во најдобра психичка состојба.

Араухо доби жестоки критики по натпреварот Челси – Барселона во кој неговиот тим беше поразен со 3:0, а тој крајот на првото полувреме доби црвен картон што предизвика општо незадоволство меѓу навивачите на Барселона.

По натпреварот во Лондон тој не тренираше со тимот и не беше во составот за натпреварот со Депортиво Алавес. Објаснето е дека има стомачен вирус, но веднаш потоа беше потврдено дека Араухо не е на тренинзи бидејќи ментално не е подготвен за тоа.

Алонсу денеска му објаснија што се случува со играчот на Барселона, а тој ги воодушеви сите со џентлменска порака.

„Мораме да ги почитуваме она што на фудбалерите им е потребно, бидејќи тие не се роботи. Ако клубот донел таква одлука која оди во корист на играчот, тогаш за мене тоа звучи логично и оправдано. Сите треба да реагираат така, бидејќи со менталното здравје не треба да се игра”, порача тренерот на Реал Мадрид.