Барди стрела во Турција: Погоди во убедливата победа на Коњаспор! (Видео)

Екипата на Коњаспор, предводена од капитенот на македонската репрезентација Енис Барди, рутински ја заврши задачата и со убедливи 4-1 го елиминираше Мусспор, обезбедувајќи си место во следната рунда од натпреварувањето.

Барди повторно беше меѓу најистакнатите поединци на теренот. Во 38. минута го „отвори“ мечот со прецизен удар, поставувајќи темел за високиот триумф, а неговите соиграчи во второто полувреме ја заокружија доминацијата на зелено-белите.

Овој гол за Барди е само продолжение на неговата солидна форма – претходно во сезоната трипати се запиша во листата на стрелци во првенствените дуели.

GOL| 🟡⚪️ Muş Spor Kulübü 0-1 Konyaspor 🟢⚪️

⚽️ 38′ Enis Bardhi#ZTK pic.twitter.com/RwWFq0EW80

— A Spor (@aspor) December 2, 2025