„Сан“: Јунајтед има играч кој ќе ја прекине клетвата на Роналдовиот број 7

Се чини дека клетвата на дресот со број седум во Манчестер Јунајтед конечно се приближува кон крајот. Од кога Кристијано Роналдо во 2009 година беше продаден на Реал Мадрид, единствениот играч кој ја оправда тежината на славниот „седум” беше токму тој за време на својот втор престој на Олд Трафорд. Сега Мејсон Маунт покажува знаци дека би можел да го прекине тој негативен тренд, пишува The Sun.

Меѓу двата престои на Роналдо во клубот, дресот кој го прославија Џорџ Бест, Брајан Робсон, Ерик Кантона и Дејвид Бекам го носеа Мајкл Овен, Антонио Валенсија, Анхел Ди Марија, Мемфис Депај, Алексис Санчез и Единсон Кавани. Никој од нив не остави подлабока трага.

Овен беше оптоварен со повреди, Валенсија побара враќање на неговиот стар број 25, Ди Марија замина по само една година, Депај издржа 18 месеци, а Санчез се покажал како целосно промашување. Кавани имаше солидна сезона со 17 голови, но често беше недостапен.

Сè до оваа сезона се чинеше дека и Мејсон Маунт ќе се приклучи на таа неславна листа. Доведено е во 2023 година за 68 милиони евра, во првите две сезони се бореше со повреди и форма. Под водство на Ерик тен Хаг играл на различни позиции, а пропушти дури 31 натпревар во првата и 30 во минатата сезона.

Неговата неодамнешна победа против Кристал Палас беше првиот натпревар во првенството кој го одиграл од почеток до крај за клубот уште од ноември 2023 година.