Барселона има ново чудо, потпиша неверојатен договор: „Заборавете го Меси и Јамал“

Барселона е позната по работата со помлади фудбалери, а нивната академија „Ла Масија“ за многумина е најдобрата во светот и често талентирани тинејџери добиваат шанса во првиот тим.

Последната ѕвезда на Барселона која дојде од академијата е Ламин Јамал.

Таму, се разбира, порано беа Лионел Меси, Чави, Иниеста, а во последно време излегоа Педри, Гави… списокот е многу долг.

Но, во Барселона го подготвуваат теренот за уште едно фудбалско чудо во нивната академија.

Дестини Косисо Ејофор е 12-годишно момче кое фасцинираше во академијата на Барселона.

На 92 натпревари во младинските селекции постигна дури 145 голови.

Иако има 12 години, редовно игра за постари категории од Барселона У13 и У14 тим.

Светските скаути кои ги следат младите фудбалери го запишаа името на овој фудбалер кој неодамна доби и неверојатен договор и го потресе фудбалскиот свет.

Имено, Косисо потпиша договор со Најк како најталентиран фудбалер во светот.

Ова предизвика многу реакции, бидејќи младите фудбалери пред 16-годишна возраст не потпишуваат договори со спонзори, но изгледа дека Барселона има единствено момче во своите редови.

Неговиот татко е поранешен нигериски фудбалер Еџикеа Пашкала.