Хит сцена: Ѓоковиќ во Катар одржа част по јога за возачите во Формула 1 (Видео)

Најбрзите возачи од светот се веќе во Катар каде што овој викенд Формула 1 ќе се трка на патеката во Лусаил, а вчера вечер имале посебен гостин.

Ѓоковиќ пред една година потпиша договор за рекламирање со Qatar Airways, а бидејќи оваа авиокомпанија е еден од главните спонзори на трката за Големата награда на Катар, јасно е дека и освојувачот на 24 Грен слем титули се појави во Лусаил.

Не само што беше присутен, туку и им одржа јога час за сите заинтересирани возачи на Формула 1 и членовите на нивните тимови.

Novak at @f1 with @francolapinto

(Presenting his new capsule at the performance center)

Video @qatarairways #djokovic pic.twitter.com/91WTvMVvT0

— NovakDjokovicFanClub (@NovakFanClub) November 27, 2025

Снимката од Ѓоковиќ како води јога час ја објави возачот на Алпин, Франко Колапинто.

“Благодарам на Новак за часот. Потешко ми беше загревањето, не сум толку флексибилен како него. Беше неверојатно да го гледам Новак како се протега и движи. Дури и овие неколку минути ми помогнаа да разберам колку труд е потребен да се биде број 1”, изјави Колапинто.

Да потсетиме, единствениот слободен тренинг во Катар е денес во 14:30, а квалификациите за спринт трката ќе се одржат во 18:30.

Спринт трката ќе се одржи во сабота од 15:00 часот, а квалификациите за главната трка почнуваат истиот ден во 19:00 часот.

Главната трка за Големата награда на Катар ќе се случи во недела со почеток во 17:00 часот.

Засега не е познато дали Ѓоковиќ ќе присуствува на главната трка.