Кристијано Роналдо инвестира во нова авантура: Станува акционер во брзо растечка организација на ММА

Кристијано Роналдо, легендарниот португалски фудбалер, одлучи да заплови во водите на ММА спортот, станувајќи акционер во една од најамбициозните организации која бележи голем раст.

Роналдо влезе во сопственичката структура на WOWfc организацијата. Лице на оваа организација е Илија Топурија, познат борец со грузиско потекло, кој се натпреварува под знамето на Шпанија.

Овој голем потфат Португалецот го објави по пат на социјалните мрежи:

„Возбуден сум што можам да ја споделам оваа неверојатна вест: Станувам акционер на WOWfc!

Имаме заеднички вредности што ги негувам, како дисциплина, почит, издржливост и постојаниот стремеж кон совршенство. WOW FC создава нешто навистина уникатно и моќно и горд сум што ќе бидам дел од оваа приказна за да го унапредиме спортот и да ги инспирираме идните генерации“, напиша Роналдо на неговите социјални мрежи.

I’m excited to share some big news: I will become a shareholder of @wowfcmma! We share values I truly believe in – discipline, respect, resilience, and the constant pursuit of excellence.

WOW FC is building something unique and powerful, and I’m proud to join this project to… pic.twitter.com/mMP7HlBucc

— Cristiano Ronaldo (@Cristiano) November 27, 2025