Се знае каде ќе игра Душан Влаховиќ од следната сезона?

Душан Влаховиќ ќе го напушти Јувентус по нешто повеќе од четири години во клубот. Нема договор околу продолжување на соработката и Србин едноставно бара премногу пари од Старата дама од Торино.

Иако Јувентус нуди годишна нето плата од осум милиони евра, Влаховиќ сака дури 12, и беше уверен дека постојат тимови кои ќе му ја дадат таа сума.

Меѓутоа, такви не постојат. Понудите кои ги добива се во рамките на она што го нуди Јуве или помалку, а една, според сѐ изгледа, српскиот напаѓач ќе ја прифати. Кариерата треба да ја продолжи во редовите на Милан.

Италијанците тврдат дека 25-годишникот е многу блиску до одлуката за прифаќање на поканата на Масимилијано Алегри. Имаа добра соработка во Јувентус и и двајцата сакаат да продолжи во Милан.

Понудата на Росонерите ќе биде максимални осум милиони евра со бонуси. Нема сомнение дека Србин ќе каже ‘да’ и ќе ја земе ‘деветката на Милан’.

За Влаховиќ зборуваше угледниот италијански новинар Масимо Гилети. Тој е уверен дека Србинот оди во Милан.

“Можеби е неочекувано, но верувам дека Влаховиќ ќе заврши во Милан”, рече Гилети и продолжува:

“Не можам да гарантирам, но познавајќи го Алегри, тоа е многу можно. Со Јувентус завршија, пропуштија шанса да го продадат и неприфатливо е таков играч да замине без обештетување.”