Неверојатен пропуст на Реал Мадрид, сакаа да му одадат почит на Диого Жота, па се обрукаа!

Неверојатен гаф се случи денеска на Реал Мадрид на Генералното собрание на клубското раководство, поради што кралскиот клуб набрзо потоа мораше да објави извинување на официјалната страница.

Тие објавија видео кое беше посветено на личности кои починале во текот на оваа година, со намера да му одадат почит на Диого Жота и неговиот брат Андре Силва, кои загинаа летово на северот на Шпанија.

Играчот на Ливерпул и неговиот брат настрадаа во страшна сообраќајна несреќа, која ја шокираше јавноста.

Во Реал сакаа да им изразат почит, но направија неверојатен гаф.

На фотографијата на Жота го додадоа погрешниот Андре Силва. Станува збор за португалскиот напаѓач кој моментално игра за Елче, а интересно е што Реал токму против овој клуб игра вечерва натпревар од Ла Лига.

Тие наместо братот на Жота, ставија фотографија од напаѓачот на Елче, што предизвика шок и многу брзо им беше укажано каков гаф направиле.

Од Реал Мадрид експресно реагираа и објавија извинување за несекојдневната грешка.

👀 Real Madrid paid tribute to the figures who passed away in 2025 but mistakenly used the image of Elche player André Silva, instead of Diogo Jota’s brother, who was also named André Silva.

They have issued a statement to apologise:

✍️ “Real Madrid CF apologises to Elche CF… pic.twitter.com/M1N32hyVZr

— Фудбалски Твит ⚽ (@Football__Tweet) 23 Ноември, 2025