Голден Стејт Вориорс доживеа пораз од Орландо Меџик, а конечниот резултат на Флорида беше 121:113 (36:32, 31:28, 26:25, 28:28). Сепак, тука маките за екипата на тренерот Стив Кер не завршуваат…
Стеф Кари, кој за 34 минути постигна исто толку поени, (12/23 од игра, 7/15 за три и 3/5 сл. фрлања) со девет асистенции и по три скока и украдени топки, ја обнови повредата од натпреварот против Сан Антонио, кога го истегна зглобот на десната нога.
Кари рече дека ќе почека да види како зглобот ќе реагира по летот и одморот, но се е поизвесно дека ќе го пропушти натпреварот против Хит во Мајами.
„Чекаме да видиме како ќе реагира бидејќи повторно го истегнав во првото полувреме. Не мислам дека е нешто сериозно, но ќе видиме утре како ќе биде“, Кари не изгледаше премногу вознемирено.
Учество во игри на среќа е дозволено за лица со 18+ години. Играј одговорно!