Со враќањето на домашниот терен во првата петорка на Лејкерси против Јута, ЛЕБРОН ЏЕЈМС испиша нова страница во историјата. 40-годишниот ас ја започна својата 23-та сезона во НБА лигата. Никој пред него не успеал да постигне нешто такво. Џејмс беше отсутен од терените од почетокот на подготовките поради проблеми со грбот, што го спречи да учествува во предсезоната и првите 14 натпревари на Лејкерси во редовниот дел од сезоната. Џејмс, кој дотогаш никогаш не пропуштил прв натпревар од сезоната, се врати на тренинг пред десет дена.
Со ова, стана првиот кошаркар кој одиграл 23 сезони во НБА. Претходно, Винс Картер ја заврши својата кариера после 22 сезони во 2020 година, а пет играчи имаат 21 сезона зад себе: Роберт Париш, Кевин Вилис, Кевин Гарнет, Дирк Новицки и актуелниот Крис Пол, кој моментно настапува за Лос Анџелес Клиперси.
Исхрана, повреди и тренинг – совети од доктор по спортска медицина | Уште еден поткаст
Џејмс во февруари 2023 година стана најдобриот стрелец во историјата на НБА. Минатата година во март стана првиот играч на НБА кој постигнал вкупно 50.000 поени во редовниот дел и плејофот заедно. Џејмс е четирикратен шампион на НБА, исто така и четири пати ја освоил наградата за најкорисен играч на финалето.
Учество во игри на среќа е дозволено за лица со 18+ години. Играј одговорно!