Стана јасно колку долго ќе отсуствува Шешко од игра

Повредата на напаѓачот на Манчестер Јунајтед Бењамин Шешко на неговото лево колено не е од најсериозните, но сепак тој ќе отсуствува од игра најмалку уште еден месец, известува “Sky Sport”.

Како што е познато, Шешко ја доби оваа повреда за време на ремито 2:2 со Тотенхем непосредно пред паузата поради меѓународните обврски, но досега не беше јасно колку долго ќе трае неговото закрепнување.

Според најновите информации, Словенецот ќе пропушти најмалку шест натпревари на “црвените ѓаволи”, и тоа оние против Евертон, Кристал Палас, Вест Хем, Вулверхемптон, Борнмут и Астон Вила. Целта на 22-годишниот фудбалер е да се врати во игра за домашниот натпревар против Њукасл на Боксинг Деј.