Ливерпул упати последна понуда до Ибрахима Конате и наскоро очекува одговор, пренесува „Скај Спорт Швајцарија“ во понеделник. Англискиот шампион сака да го направи дефанзивецот еден од најскапите играчи во составот, воден од менаџерот Арне Слот. 26-годишниот Французин има договор со „црвените“ до следното лето.
Управата на клубот од Мерсисајд најверојатно ќе добие одговор од Конате за неколку недели.
Исхрана, повреди и тренинг – совети од доктор по спортска медицина | Уште еден поткаст
Ибрахима Конате и неговите агенти сè уште не донеле конечна одлука за понудата за нов договор од страна на 20-кратните прваци на Англија.
Реал Мадрид покажува интерес за дефанзивецот, кој може да реши да се пресели во шпанската престолнина како слободен агент по крајот на актуелната сезона.
Конате е во Ливерпул од 2021 година, а пред тоа го носел дресот на германскиот РБ Лајпциг и францускиот Сошо.
Учество во игри на среќа е дозволено за лица со 18+ години. Играј одговорно!