Удар за Наполи: уште еден клучен играч е надвор неколку месеци

Играчот за врска на Наполи Андре-Франк Замбо Ангиса доби сериозна повреда и ќе биде надвор од терените два до три месеци. Првично се појавија информации дека повредата на камерунецот не е сериозна, но од клубот известија дека играчот го скинал бутниот мускул

Замбо Ангиса ја добил мускулната повреда за време на кампот на националниот тим на Камерун и се врати во Неапол за дополнителни тестирања. Неговата повреда е слична на онаа на неговите соиграчи во Наполи, Кевин Де Бројне и Ромелу Лукаку, кои исто така се повредени неколку месеци.

Камерунецот ќе наполни 30 години в недела и е клучна фигура за Наполи оваа сезона, со четири постигнати голови и две асистенции во 15 натпревари меѓу Серија А и Лигата на шампионите. Тој дури беше избран за Играч на месецот во италијанската елита за октомври.