Јувентус на радарот има играчи на Милан, Рома и Баерн

Во Јувентус се ангажирани на доведување на тројца играчи чии договори истекуваат на крајот на сезоната, пишува “Газета дело Спорт”.

Станува збор за голманот на Милан Мајк Мењан, десниот бек на Рома Мехмет Зеки Челик и крилото на Баерн Минхен Серж Гнабри, со кои веќе се започнати прелиминарни преговори.

Мењан во моментов е далеку од нов договор со Милан, но засега Челси изгледа како најверојатниот негов следен клуб, а Баерн исто така може да се обиде да го привлече. Сепак, во Јувентус се надеваат дека ќе успеат да го убедат да остане во Серија “А”, сметајќи на фактот што веќе има двајца Французи во нивниот состав – Кефрен Турем и неговиот поранешен соиграч кај “росонерите” Пјер Калулу.

Меѓутоа, голманот сигурно ќе побара многу повисока плата од сегашната годишна компензација од 3 милиони евра. Во меѓувреме, Зеки Челик преговара со Рома за обновување на договорот, при што во клубот се уверени дека ќе постигнат договор со турскиот репрезентативец.

Што се однесува до Гнабри, тој го привлече интересот и на Ливерпул, од каде што ќе се обидат да го надминат “бјанконерите” во борбата за потписот на Германецот.