Во Реал веќе одлучиле: Ова е цената за Винисиус, кој е подготвен, нека плати!

Раководството на Реал Мадрид ги извести сите заинтересирани страни за сумата која треба да ја издвојат доколку сакаат да го обезбедат потписот на ѕвездата и еден од најдобрите играчи на тимот, Винисиус Жуниор.

Ова се случува во време на зголемени шпекулации за пропаднати преговори меѓу Реал и крилниот напаѓач за евентуално продолжување на договорот.

Трансфер експертот Саша Таволиери од Sky објави дека Реал ја поставил почетната цена за Винисиус на 150 милиони евра.

Според информациите, Реал е подготвен да го продаде играчот веќе следното лето.

Се зборува дека Саудиска Арабија е најверојатната дестинација за Винисиус, иако Манчестер Сити внимателно ја следи ситуацијата.

Вреди да се спомене дека Винисиус оваа сезона не ги повторува изведбите од претходните години, а односите меѓу него и раководството на Реал дополнително се влошени по последниот Ел Класико, по што Бразилецот мораше јавно да се извини и на своите соиграчи, и на тренерот Хаби Алонсо.