Британскиот водител Пирс Морган упати јавна извинение на Новак Ѓоковиќ, скоро четири години откако го нарече „лажго“ и „измамник“ за време на познатиот скандал на Австралија Опен 2022 година. Изгледа дека познатиот двоец конечно ги изглади недоразбирањата во интервју кое наскоро ќе биде објавено, пишува „Дејли Мејл“.
Во најавата за интервјуто, Морган започна разговор изразувајќи желба да се „извини“ за својот напад на српскиот тенисер. Ѓоковиќ ја прими извинението, кусо одговарајќи: “Тоа многу зборува за каква личност сте.”
До кога ќе дишеме отровен воздух!? | Уште еден поткаст
Морган имаше сосема поинакво мислење за Ѓоковиќ за време на сагата што се одвиваше во Мелбурн. Да потсетиме, Ѓоковиќ тогаш беше депортиран од Австралија бидејќи одби да го открие својот статус на вакцинација против Ковид, а одлуката ја донесе тогашниот министер за имиграција Алекс Хоке.
Откако судот ја потврди депортацијата, Морган се огласи на социјалната мрежа X, не избирајќи зборови.
„Ударна вест: Измамник според правилата за Ковид, лажго на имиграцискиот формулар и антиваксерска икона Новак Ѓоковиќ ја губи последната жалба против депортацијата и ќе биде исфрлен од Австралија без можност за натпреварување на Австралија Опен. Добро,” објави тогаш Морган.
Во продолжението на извадокот од новото интервју, 24-кратниот победник на Гренд слем призна на Морган дека, имајќи предвид дека е на зајдисонцето од кариерата, може да има тешкотии во борбата за титули против помлади противници како Јаник Синер или Карлос Алкараз.
Учество во игри на среќа е дозволено за лица со 18+ години. Играј одговорно!