Јувентус има три начини да го задржи Влаховиќ

Душан Влаховиќ ќе може од зима да преговара со други клубови за својата иднина, бидејќи на крајот од сезоната му истекува договорот со Јувентус.

Сепак, Бјанконерите нема лесно да се предадат во борбата да го задржат српскиот напаѓач, иако во летото се чинеше дека разделбата меѓу двете страни е речиси сигурна.

Сега Јувентус има три начини да го задржи 25-годишниот центарфор – работа со Спалети, љубовта на навивачите и новата плата.

Влаховиќ според договорот ќе добие оваа сезона 12.000.000 евра, а клубот од Торино може за новата соработка да му понуди најмногу 8.000.000, но би можело да се додаде зголемување за секоја година на договорот.