Тетовската Шкендија вечерва го игра третиот натпревар од групната фаза во Конференциската лига, а вторпат сезонава ќе настапи пред својата публика. На Арената „Тодор Проески“ гостува полската Јагјелонија, тим кој важи за фаворит во овој дуел.
„Црвено-црните“ во мечот влегуваат охрабрени од првата европска победа сезонава, остварена во минатото коло против Шелбурн, кога со автогол на Ирците во самиот финиш стигнаа до триумф. Сепак, пред нив сега стои далеку потежок противник – Јагјелонија која на првите две средби одигра нерешено со Стразбур и славеше против Хамрун.
Данска vs. Македонија: Како тие се справуваат со отпадот, додека ние се расправаме кој е крив?
Свесен дека ги очекува сериозен предизвик е и тренерот на тетовци, Јетон Беќири, кој најави мотивирано издание на својата екипа:
„Јагјелонија е навистина квалитетна екипа и очекувам натпревар различен од оној против Шелбурн. Полјаците се агресивни и добро организирани во средината и нападот, па мора да бидеме концентрирани. Сепак, верувам во нашите момци и се надевам дека повторно ќе им приредиме радост на навивачите“, изјави Беќири.
Натпреварот ќе започне во 21 часот, а според најавите, полскиот тим ќе има поддршка од околу 250 до 300 свои навивачи на трибините во Скопје.
Учество во игри на среќа е дозволено за лица со 18+ години. Играј одговорно!