Новак Ѓоковиќ не можеше да ги сокрие емоциите по триумфот во второто коло на „Hellenic Championship“ во Атина. По победата над Алехандро Табило со резултат 7:6 (3), 6:1, организаторите на турнирот му приредија посебно изненадување – беше прикажано видео посветено на неговиот поранешен тренер Никола Пилиќ, кој почина во септември на 86-годишна возраст.
Улични кучиња: Системски или човечки проблем? | Уште еден поткаст
За време на снимката, Ѓоковиќ едвај успеа да ги задржи солзите. Со право, бидејќи Пилиќ имаше пресудна улога во развојот на најдобриот тенисер на светот, бидејќи Ѓоковиќ уште на 12 години пристигна во неговата академија во Германија.
По мечот, Ѓоковиќ за сајтот на ATP изјави:
– Тоа беше многу емотивен момент. Земајќи ја предвид значајноста што ја имаше за мене и моето семејство — како приватно така и професионално – тој беше мојот тениски татко, како што сакам да го нарекувам. Беше некој што одигра клучна, суштинска улога во мојот развој како тенисер и како човек. Беше ми навистина тешко кога слушнав дека починал.
Учество во игри на среќа е дозволено за лица со 18+ години. Играј одговорно!