Канадскиот напаѓач Џонатан Дејвид (25) изразува незадоволство со минутажата која ја добива во Јувентус, а според италијанските медиуми, зимскиот трансфер-период би можел да го напушти торинскиот тим.
Минатата сезона, носејќи го дресот на Лил, Дејвид успеа да постигне 25 голови и да асистира при 12, а во јули како слободен играч се пресели во Јуве, со потпишан петгодишен договор. Иако одигра 12 натпревари оваа сезона, не успеа да се наметне како стандардна опција во првиот тим. Во тие 12 средби, само еднаш успеа да се запише во листата на стрелците.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Според италијанските медиуми, новиот тренер на Јуве, Лучијано Спалети, можеби ќе му даде поголема улога на канадскиот репрезентативец.
Спалети, кој го наследи Игор Тудор, своето деби на клупата на Јувентус го забележа со победа над Кремонезе од 2:1, но Дејвид во овој натпревар влезе дури во 85-та минута. Малку е веројатно, или речиси невозможно, Дејвид да се најде во почетниот состав за вечерниот натпревар од Лигата на шампионите против Спортинг.
Учество во игри на среќа е дозволено за лица со 18+ години. Играј одговорно!