Тренерот на Реал Мадрид, Чаби Алонсо, е полн со пофалби за неговиот поранешен играч Флоријан Вирц, кој во Ливерпул сè уште не успеа да ја пронајде формата од претходните две сезони додека играше за Бајер Леверкузен. Бајер во сезоната 2023-24 освои двојна круна под водство на Алонсо, освојувајќи го шампионатот во Бундес лигата без пораз.
Вирц во таа сезона постигна 18 гола и 20 асистенции во сите натпреварувања и беше прогласен за најдобар фудбалер во Бундес лигата. Германскиот репрезентативец во последните две сезони за Бајер постигна 34 погодоци и 35 асистенции. Ова лето премина во Ливерпул, кој за него плати 125 милиони евра отштета. Во англискиот шампион на 14 натпревари забележа три асистенции, но сè уште не постигна гол.
До кога ќе дишеме отровен воздух!? | Уште еден поткаст
„Доаѓањето во Ливерпул е голема промена за него и му треба време да се адаптира. Тој е посебен играч, има квалитет, карактер и многу е конкурентен. Благодарение на него, веројатно ја добив и работата во Реал, и многу сум му благодарен”, рече тренерот на Реал пред вечерашното гостување против Ливерпул во Лигата на шампионите. Алонсо добро знае што зборува затоа што како играч помина пет години во Ливерпул, одигрувајќи 210 натпревари за „Црвените“.
Учество во игри на среќа е дозволено за лица со 18+ години. Играј одговорно!