Барселона по примерот на ПСЖ: Вака се „краде“?! (Видео)

Барселона одлучи да ја активира клаузулата во договорот на Антоан Гризман со Атлетико Мадрид, јавуваат француските медиуми.

Според тој договор, францускиот напаѓач може да го напушти мадридскиот клуб за 100 милиони евра, а толку е подготвена Барселона да плати.

Како што се наведува, Гризман прифатил да потпише петгодишен договор со Каталонците според кој би заработувал 20 милиони евра на годишно ниво, па така би бил вториот најплатен играч ви тимот по недопирливиот Лео Меси.

Каталонскиот клуб така би го засилил нападот и лесно би ја заборавил „кражбата“ која претходно ја доживеа од ПСЖ. Тогаш Нејмар замина за неверојатни 222 милиони евра.