Инсајдер открива: Винисиус јавно се извини на соиграчите поради својот бес – еве како реагирал Алонсо

Реал Мадрид на својот терен ја победи Барселона со 2:1 во десеттото коло на Ла Лига. Со триумфот во Ел Класико се одвои на врвот со предност од пет бода пред големиот ривал и актуелен првак на Шпанија. Еден од најголемите дербија беше бурен и за време и по натпреварот, а по жестокиот меч најмногу се зборува за Винисиус.

Крилниот напаѓач на Реал полуде во 71-та минута кога тренерот Чаби Алонсо покажа дека мора да излезе од игра за да го замени Родриго. Не се поздрави, како што е обичај, при замената со членовите на стручниот штаб и играчите на клупата и не остана да седи со нив, туку раздразнет замина директно во соблекувалната.

Истите извори додаваат: „За да помогне во смирување на конфликтот, тренерот на голманите, Луис Ллопис, мораше да оди во соблекувалната и да разговара со Винисиус. Успеа да го смири, па бразилецот неколку минути подоцна се врати на клупата со соиграчите.” На прес-конференцијата, тренерот на Реал најави дека тоа прашање ќе се реши внатре во тимот, зад затворени врати.

Токму така и беше, сведочи инсајдерот на Реал Хосе Луис Санчез: „Откако Винисиус јавно се извини на соиграчите и на стручниот штаб поради својата реакција на замената за време на Ел Класико, бразилскиот напаѓач приватно се извини и на тренерот Хаби Алонсо. Хаби и неговиот штаб се задоволни што Винисиус ја призна својатa грешка и го гледаат неговиот гест како позитивен и важен чекор напред.“