Ау, каква бомба од Мадрид: “Еден од нив е вишок во Реал Мадрид”

Нездоволството од одлуката на Чаби Алонсо да го повлече од игра на Ел Класико Винисиус Жуниор го покажа јавно. Викаше на тренерот среде терен и покрај клупата, и велеше дека сака да си оди од клубот.

Извори блиски со Реал тврдат дека кралскиот клуб е подготвен да го санкционира однесувањето на бразилската ѕвезда. Можно е финансиска казна или барем сериозно предупредување.

Денес од Шпанија пристигнуваат вести за сериозно нарушениот однос меѓу двете страни. Работата е многу сериозна.

“Винисиус Жуниор повеќе нема доверба во Чаби Алонсо”, наведува El Larguero и продолжува да изнесува неверојатни детали.

Овој извор на крајот заклучува во сериозен тон.

“Ако ситуацијата остане како што е сега, тешко дека и двајцата ќе бидат дел од клубот. Еден од нив ќе биде вишок”, се наведува.

Винисиус и Реал веќе со месеци наназад разговараат за продолжување на соработката која истекува во лето 2027 година. Меѓутоа, договор нема.

Проблемот е во парите. Бразилецот бара плата во ранк со Килиан Мбапе, односно околу 30 милиони евра годишно, додека клубот нуди нешто над 20 милиони.