Вакво нешто ретко се гледа: Во натпреварот на Ливерпул на полувреме беше заменет судијата

Необичен и драматичен тек имаше натпреварот меѓу Брентфорд и Ливерпул, последен од денешната програма во англиската Премиер лига. Дуелот понуди многу возбудувања, но и куриозитет каков што ретко се гледа на највисоко ниво.

Брентфорд отвори одлично и поведе уште во петтата минута преку Уатара, а пред крајот на првото полувреме Шаде зголеми на 2-0. Кога се чинеше дека тоа ќе биде резултатот на паузата, во петтата минута од судиското продолжение Керкез намали за Ливерпул, па домаќините на одмор заминаа со минимална предност.

Главниот судија Сајмон Хупер се најде под жестоки критики затоа што покажа три минути продолжение, а играта траеше цели пет. Сепак, според правилата, тоа останува негова дискрециона одлука.

Меѓутоа, вистинската необичност се случи на паузата меѓу двете полувремиња. Второто полувреме доцнеше околу 15 минути, откако Хупер пријави повреда на ногата — наводно истегнување на мускул — и не можеше да ја продолжи судиската должност. Наместо него, натпреварот го презеде четвртиот судија Тим Робинсон, додека Хупер ја презеде неговата улога крај теренот.

Simon Hooper got an injury while refereeing Brentford vs Liverpool 🤕

He was replaced by the fourth official, Tim Robinson, at half-time 🔄 pic.twitter.com/tIsFbvesTH

— Football on TNT Sports (@footballontnt) October 25, 2025