Мерцедес ги избра возачите за следната сезона во Формула 1

Тимот на Формула 1, Мерцедес, денеска објави дека Џорџ Расел и Кими Антонели ќе бидат возачи и во следната сезона.

„Потврдувањето на нашата возачка постава секогаш било само прашање на време, а не дали. Сакавме да си земеме време, да водиме правилни преговори и да се увериме дека сите, од сите страни, се задоволни. Драго ми е што го направивме тоа. Џорџ и Кими се покажаа како силен пар и возбудени сме што го продолжуваме нашето заедничко патување. Сега нашиот фокус е насочен кон последните шест трки во годината, додека се бориме за второ место во шампионатот на конструктори, а потоа кон 2026 година и новата ера во Формула 1″, изјави директорот на Мерцедес Тото Волф, пренесе Би-Би-Си (BBC).

Расел оваа сезона победи на две трки и се наоѓа на четвртото место во генералниот пласман на возачи.

Британскиот возач изјави дека е многу горд што следната сезона ќе ја забележи својата 10-та сезона во тимот на Мерцедес.