Еден од најлошите англиски тренери ќе ја спасува Шведска од срам!?

Фудбалската репрезентација на Шведска, како и на Србија, доживеа вистински пораз во квалификациите за Светското првенство.

Оваа селекција во својот состав има ѕвезди од последниот преоден рок, напаѓачите на Арсенал и Ливерпул, Виктор Ѓокереш и Александер Исак, како и уште неколку други одлични фудбалери од Премиер лигата, но нема игра, па цената вчера ја плати селекторот Јон Дал Томасон, кој доби отказ.

Швеѓаните пред две ноќи во Гетеборг, во групата Б, го доживеаја третиот пораз во квалификациите, втор пораз од селекцијата на таканареченото Косово, со што нивните шанси за пласман на завршниот турнир по редовен пат се сведени на нула. По четири одиграни кола, Шведска е на последното место во групата со само еден освоен бод, Швајцарија е лидер со 10 бодови, а т.н. Косово има седум бодови, а Словенија три.

Сепак, Шведска има „план Б“, бидејќи ќе игра бараж за Мундијалот како една од четирите најдобри екипи од Лигата на нации на УЕФА. Србија се надеваше дека може да биде една од тие четири репрезентации, но еден од условите беше Шведска да се пласира во бараж како втора во својата квалификациска група. Јасно е дека од тоа нема ништо.

Сега се бара решение за нов селектор и личност која брзо ќе ја доведе екипата во ред и ќе ја подготви за мартовскиот бараж, а ако им се верува на шведските медиуми, тоа ќе биде англискиот стручњак Грејем Потер.