Холандскиот фудбалер Френки де Јонг (28) се одлучи да го продолжи договорот со Барселона по долгогодишни преговори кои често завршуваа на насловните страници на шпанските медиуми.
Тековниот договор на Де Јонг истекува летото 2026 година, а управата на Барселона долго време не можеше да постигне договор со неговите агенти за продолжување на соработката. Меѓутоа, сега од Mundo Deportivo доаѓа информација дека е конечно постигнат договор.
Од лозје до чаша: Уметноста на виното со Теодор Бојаџиев | Уште еден поткаст
Покрај сите пречки, Де Јонг на крајот прифати намалување на неговата плата, нешто што досега го одбиваше откако Жоан Лапорта стана претседател на клубот од Камп Ноу.
Лапорта ја презеде функцијата во март 2021, во период кога Барселона се соочуваше со значителна финансиска криза чијашто сенка се протега и денес. До неодамна, Де Јонг беше еден од ретките играчи кои не се согласија на намалена плата, сè до денес.
Според важечкиот договор, кој истекува утре, Де Јонг заработува околу 365.000 евра неделно, но засега не е откриено какви ќе бидат неговите примања според новиот договор.
Она што е познато, е дека во новиот договор има клаузула за откуп од неверојатни 500 милиони евра, што ќе мора да го плати секој клуб што сака да го ангажира Холанѓанецот во своите редови.
Де Јонг се приклучи на Барселона од Ајакс летото 2019 година, кога каталонскиот гигант за неговиот трансфер плати 86 милиони евра.
Спортскиот директор Деко претходно јавно го истакна својот став, опишувајќи го Де Јонг како “клучен играч за проектот” што го имаат во Барселона.
Учество во игри на среќа е дозволено за лица со 18+ години. Играј одговорно!