Голманот на либиската репрезентација Мурат Ал-Вухиши е осомничен дека со своја грешка помагнал во конечниот резултат од квалификацискиот натпревар за Светското првенство 2026.
Зошто проблемот со улични кучиња СÈ УШТЕ постои? | Уште еден поткаст
Фудбалската федерација на Либија започнала истрага против голманот на националниот тим, 28-годишниот Мурат Ал-Вухиши, откако беше одигран натпреварот со Зеленортските Острови во африканските квалификации за следниот Мундијал, кој ќе се одржи идната година во Канада, САД и Мексико.
Натпреварот се одигра на 8 октомври и заврши нерешено 3:3.
Либија водеше со 3:1 кога во 76. минута, Ал-Вухиши реагираше на необјаснив начин и дозволи топката, која беше упатена речиси од средината на терен, да помине низ неговите нозе и да заврши во голот.
Тимот Либија прими уште еден гол до крајот на натпреварот и остана без победа. Разочарани од ваквото сценарио, раководството на ФФ Либија покрена истрага.
Ал-Вухиши се сметаше за искусен и сигурен голман, и ова му беше 21. натпревар во дресот на репрезентацијата. Тој е член на либискиот клуб Ал Ахли од Бенгази.
Учество во игри на среќа е дозволено за лица со 18+ години. Играј одговорно!