Еден од најдобрите фудбалери на Манчестер Јунајтед, Маркус Рашфрод пред репрезентативниот настап за селекцијата на Англија против Бразил зборуваше за неговиот идол од деството.
Англија и Бразил во вторник со почеток 20:45 минути играат пријателски натпревар на „Вембли“. На теренот ќе биде и Маркус Рашфорд кој откри дека негов идол е легендарниот Бразилец, Роналдо.
Диск голф го освојува светот, а го нема во Македонија!? ↓↓↓
„Роналдо играше на првиот натпревар кој го гледав во живо. Тие моменти никогаш нема да ги заборавам. Тоа беше 2003 година, а тој постигна хет-трик. Бев мал, но Роналдо беше омилен играч и на мојот брат, па така растев гледајќи ги неговите натпревари. Беше голем играч кој освои многу“, изјави Рашфорд.
Во натпреварот кој Рашфорд го гледал на „Олд Трафорд“ во рамките од четвртфиналето во Лигата на шампионите во 2003 година Јунајтед победи со 4:3. Роналдо постигна хет-трик што беше доволно неговиот Реал да го исфрли Јунајтед бидејќи „кралевите“ во првиот натпревар славеа победа со 3:1.
Учество во игри на среќа е дозволено за лица со 18+ години. Играј одговорно!