Вака изгледа патот на Ѓоковиќ до финалето во Шангај

Српскиот тенисер Новак Ѓоковиќ, и покрај физичките проблеми, продолжува со маршот кон трофејот во Шангај.

Новак последен пат на мастерс турнир победи во Берси пред скоро две години, а сега има убава можност да го освои 41. трофеј од серијата 1.000 во својата кариера.

Ѓоковиќ го победи Мунар по три сета, а следниот противник, в четврток, ќе биде Белгиецот Зизу Бергс.

Ова ќе биде нивниот прв меѓусебен меч, Новак е фаворит, но не треба да се заборави дека Бергс елиминираше досега сериозни имиња како Себастијан Корда, Каспер Руд му предаде мечот, а беше подобар од Франсиско Серундоло и Габриел Дијало.

Ако го совлада 44. тенисер на планетата, Ѓоковиќ во полуфиналето ќе го чека подобриот од дуелот Холгер Руне и Валентин Вашеро.

Инаку, во другиот дел од ждрепката, во среда, на програмата се дуелите меѓу Артур Риндеркнеш и Јиржи Лехечка, Нуно Боржеш и Алекс де Минор, Феликс Оже-Аласим и Лоренцо Музети, како и Лернер Тиjен и Данил Медведев.