Македонската фудбалска репрезентација во наредниот период ја очекуваат два клучни предизвици во квалификациите за Светското првенство – дуелите со Белгија и Казахстан.
Еден од најистакнатите играчи во офанзивата, напаѓачот Бојан Миовски, нагласи дека токму овие средби се меѓу најзначајните за националниот тим во поновата историја и можат да бидат пресвртница во борбата за пласман на големото натпреварување.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
„Знаеме против каква репрезентација играме. Веќе сме во последната фаза на квалификациите, а досега покажавме дека знаеме да играме фудбал и затоа се наоѓаме во ваква ситуација. Први сме моментално во групата, имаме гол разлика единаесет – два. Ако некој нè запрашал претходно дали сакаме да се најдеме во ваква ситуација пред квалификациите, нормално дека бевме задоволни, но работата се уште не е завршена. Знаеме дека не само овој, туку и последните два натпревари против Казахстан и против Велс се едни од најважните во поновата репрезентативна историја“, вели Миовски.
„Првиот натпревар е против Белгија, а знаеме против каков противник играме. Свесни сме за нивните силни, но и слаби страни. Имаме доста поддршка од навивачите, знаеме дека ќе бидат во голем број, така што мислам дека ќе гледаат одличен фудбал. Белгија е одлична репрезентација, каде што 90 отсто од играчите играат во топ петте лиги. Но ние играме како тим, го докажавме тоа“, додаде македонскиот напаѓач.
Учество во игри на среќа е дозволено за лица со 18+ години. Играј одговорно!