Неверојатно: Турскиот голман одбрани три пенали против тимот на Рома во само три минути (ВИДЕО)

Голманот на Лил, Берке Озер, направи вистински подвиг за помнење во второто коло од Лигата на Европа против Рома на гостувањето во Рим.

Се започна во 79-та минута кога се досуди пенал кој го претвори натпреварот во хаос. Топката ја постави на белата точка Артем Довбик, но Озер му го прочита ударот и го одбрани. Сепак, VAR се вклучи и судијата наложи пеналот да се повтори поради тоа што голманот ја напуштил линијата пред ударот.

Украинецот повторно презеде одговорност, но резултатот остана непроменет – Озер успеа да одбрани и овој пат. VAR повторно се вклучи и налага повторно изведување на пеналот. Овој пат на белата точка стапи Матиас Суле, но и тој не успеа да ја натера топката зад голманот – Берке Озер и третиот пат одбрани!

Во само пет минути голманот на Лил успеа да одбрани три пенали по ред, ставајќи го својот тим на патот кон победата. На крајот, францускиот тим го обезбеди победничкиот 1:0 гол во финишот на натпреварот, а неверојатната серија спасувања на Озер ќе биде запаметена како еден од најспектакуларните моменти во историјата на европскиот фудбал.

Incredible scene during the match between AS Roma and Lille — the penalty had to be retaken three times, and Lille’s goalkeeper Berke Ozer saved all three. 🤯🇪🇺pic.twitter.com/3ETBEp9oP5

— Tekkers Foot (@tekkersfoot) October 2, 2025