Најубавата фудбалска приказна: Рибарско сеело со 813 жители ќе слави шампионска титула!

Најубавата фудбалска приказна во Европа: Рибарско село со 813 жители наскоро ќе ја прослави титулата првак

Во блиското минато, светот на фудбалот беше сведок на сензацијата која ја направи Лестер како првак на Англија, но ситуацијата што доаѓа од Шведска е нешто што тешко може да се спореди со било што познато до сега.

Помеѓу сите престижни и моќни клубови кои се навикнати на трофеи, титулата ќе ја освои малечкиот Мјалби. Овој клуб потекнува од рибарското село со само 813 жители.

Остануваат уште шест кола до крајот на шведската лига „Алсвенскан“, а Мјалби има предност од огромни 11 поени пред второпласираниот Хамарби. Чини се дека само прашање на време е кога жителите на ова село ќе ја прослават својата прва титула првак на Шведска во историјата на клубот.

Овој клуб е сместен во рибарското село Халлевик на бреговите на Балтичкото Море, каде населението брои само 813 жители. Покрај стадионот има и простор за камп приколки, бидејќи многу туристи и навивачи сакаат да ги посетат бреговите на Балтичкото Море и да ја комбинираат посетата на природата со посета на стадионот.

📣 | KLARA FÖR EUROPASPEL! 💛🖤

Dagens seger innebär att Mjällby AIF 2026 för första gången i föreningen historia kommer spela tävlingsmatcher utanför Sverige gränser! #MjällbyAIF #Allsvenskan2025 pic.twitter.com/sLlbPtjXYy

— Mjällby AIF (@MjallbyAIFs) September 28, 2025

Интересно е што Мјалби е внесен во Гинисовата книга на рекорди како тимот од најмалото место кој настапува во националната прва лига. Ова значи дека освојувањето на титулата би било огромен успех и прашање на денови е кога ќе биде официјализирано.

Во далечната 1953 година, во селото е изграден стадионот „Страндвален“, каде Мјалби ги игра своите натпревари. Неговиот капацитет е 6.750 гледачи, а трибините се полни до последното место.

Miracle of Mjallby: the village of 1,000 on verge of Swedish title

There’s far more to football in nation than Alexander Isak and Viktor Gyokeres. A tiny club once famous for attracting Frank Worthington is poised for something special ⬇️https://t.co/PRU01ZSXIC

— Times Sport (@TimesSport) September 7, 2025

Годишниот буџет на овој клуб е само 7,7 милиони евра, што е, за споредба, само една осмина од годишните трошоци на великиот Малме.